Jæja kæru Bjargarkotsvinir, eru ekki allir sáttir og sælir eftir jólin? Við eruð það sko heldur betur…
Í kvöld tekur fólk svo upp á því að sprengja fullt af flugeldum og oft verða hundarnir okkar óöruggir. Besta ráðið við því er að við mannfólkið höldum ró okkar og ef við spáum ekkert í flugeldana þá spá hundarnir ekki heldur í þá. Þeir finna orkuna frá okkur um að allt sé í góðu og verða rólegir.
Ef hundarnir verða óöryggir er mjög mikilvægt að sýna hundinum enga umhyggju, þ.e ekki klappa honum eða klóra. Hundar sem eru hræddir eða óöryggir sækja ekki í aðra hunda á þeim tíma. Með klappi er verið að verðlauna þá hegðun sem hundurinn er í það skiptið. Rétta aðferðin er að sýna hundinum hver er foringinn og með því að þú takir að þér að vera hann þá líður hundinum vel. Einnig er gott að minnka orku hundsins með góðri göngu, og þá er mikilvægt að þú sért örugg/ur þegar sprengt er nálægt ykkur, en gott er að fara samt töluvert áður en mestu lætin byrja. Ef hundurinn er þreyttur og rólegur er ólíklegra að hann verði hræddur.
Gott ráð er að gefa hundinum bein eða eitthvað sem honum finnst gott og er lengi með að naga, þá hugsar hann að öllum líkindum einungis um það.
Eigið ánægjuleg áramót og við hlökkum til að hefja nýtt hundaár með ykkur.
